Psixoloq fikri:
Ən geniş yayılan platonik sevgi məkanlarından biri orta məktəbdir. Adətən, qız və ya oğlan özündən yuxarı siniflərdə oxuyan birinə vurulurlar. Onun hər hərəkətini ideal qəbul edirlər. Məhəllədə də platonik sevgilər çox yaşanır. Ümumiyyətlə, bu tip sevgilər daha çox yeniyetməlik illərində olur. Yaş artdıqca insanlar sevgilərini daha rahatlıqla etiraf edir və onu qarşılıqlı sevgiyə çevirməyə çalışırlar. Bu səbəbdən iş yerləri platonik sevgilərə ən az rast gəlinən məkanlardan biridir. Ən çox rast gəlinən və ən imkansız platonik sevgi növü məşhurlara bəslənən hisslərdir.
Platonik sevginin ifrat dərəcədə olması isə artıq həmin insanın psixikasında pozğunluq yarandığının işarəsidir. Həmin insanlar yalnız fikirlərində yaratdıqları bir obrazın xəyalı ilə yaşamağa üstünlük verirlər. Belə insanlar mütləq psixoloqa müraciət etməlidirlər.

(Mix.az-dan)